MASTREECHTER BRÖK
(wijze: OH, TANNEBAUM)
Gerapareerd nao de angstige daog vaan et hoeg water Nuijaor 1926.
Mastreechter brok, Mastreechter Brök
De weurs noe aofgebroke
Dao”s aanders in de lèsten tied
Väöl euver diech gesproke.
Den antiquair dee sjrik en beef,
Umdat zien brok neet lang mie leef,
Toch zien ers hiel väöl in Mastreech
Die gaar niks um diech geve.
Mastreechter brök, Mastreechter brok,
De bis aon et versliete,
Want einige al vaan dien puu
Begòste vies te spliete.
De waors zoe lang vaan errem en riek
Et einigs weegske mèr nao Wiek.
Gei wònder, dat ze diech tien puu
E bitsje repareerde.
Mastreechter brok, Mastreechter brok,
De bis neet op te komme.
De peerdjes die verrèkke ziech,
Veural die vaan Bonhomme.
En lik de snie, daan is et rot;
Veel mennig bies de kneej kepot.
Gelökkig tot die dierkes noe
Door Fördsjes zien vervaange.
